منتديات شبابيك كافيه

أهلا بك أخي الزائر

في منتديات شبابيك كافيه

العام

مطلوب مشرفين على المنتديات

    قصة فتاه مع شاب سعودي على انه فرنسي

    شاطر
    ضــوء
    ضــوء
    عضو برونزي

    عدد المساهمات : 295
    تاريخ التسجيل : 27/11/2009
    المزاج : رايق

    قصة فتاه مع شاب سعودي على انه فرنسي

    مُساهمة من طرف ضــوء في السبت يناير 02, 2010 2:06 am

    قرر الأب إذا نجحوا كل عياله يوديهم في الصيف لفرنسا...
    انبسطت منيرة مرة لما سمعت ها الخبر... لأنه صار لهم زمان ما سافروا...
    من أربع سنين أو خمس...
    المهم شدت البنت حيلها في المذاكرة وإخوانها زيها... وجت نهاية السنة
    ونجحوا كلهم وسافر بهم أبوهم مثل ما واعدهم... كانت منيرة مبسوطة بس
    فيه شي منكد عليها كل السفرة... ومخلي الأخلاق في النازل ...
    أبوها شرط عليها ما تشيل العباية... يا عباية يا ما فيه سفر ... رضت منيرة لأبوها
    راحت بالعباية والطرحة محجبة بس ... البنية أول مرة تسافر بعد ما كبرت...
    كانت ماخذت راحتها أول ... لكن الحين خلاص (البنت كبرت)..
    تمشوا وراحوا وجو وما خلوا قرنه في باريس ما اندعسو فيها...
    المهم العيال شبوا على أبوهم يبون شاطئ يسبحون... ونزلت الطامة الكبرى
    على منيرة!!!... وشلون تروح لشاطئ بعبايتها؟!... كيف تشوف أخوانها
    يسبحون وهي لا؟!!... طبعا ما لها إلا تستسلم وتطس معهم... راحت
    خويتنا وهي مطنقرة... وبينما العيال يسبحون ويمرحون (الله يفكهم من شرعينها)
    راحت هي على جنب وقعدت لحالها من زين الأخلاق (خبركم راكبتها أم العبيد)...
    وقامت تمقل بخلق الله... وبينما هي كذلك (حلوة قلبت العربي)
    لمحت ذاك الشاب الفرنسي اللي مووووووووت... يجنننننننننن
    طوييييل...ووسيييييم... وجسمه عضلااات... ولونه برونز
    وشعره متروس جل... ولابس ذيك النظارة الشمسية الماركة... طالعها هو يبتسم...
    بغى يغمى عليها يوم شافت صفت أسنانه... ابتسمت هي الأخرى...
    قام ومن باب الميانة قرب قرب قرب لين ارتز جنبها... هي تسالون عن حالها
    مسكينة... متسبهة... متنحة... وفي نفس الوقت مستحية... وكمان متوهقة
    خايفة يشوفها أبوها تحاكي ذا الاطخم يقوم يسفرها لديرتها دايركت
    التفت عليها أبو الشباب وانفلت بالحكي... طبعا هي ثور الله في برسيمه ما تدبر
    وش هو قاعد يرطن... هو شافها توزع الابتسامات عرف إن ما عندها دبره...
    قام سألها:
    do you speak English..

    هو سأل ولا ما سأل بغت تحب رأسه البنية...
    على طوليييييس...
    ودار بينهما الحوار التالي:
    أبو الشباب: أنتي من وين شكلك مو فرنسية
    (أنواع المجاملة اجل هذا شكل فرنسية تتشمس بعبايتها؟!)
    منيرة: أنا من المملكة العربية السعودية طبعا
    لا تنسون إن كل هالبربرة بالانجلش.
    أبو الشباب: (وهو متحمس) كيف وصلتوهنا؟
    منيرة: وصلنا من كم يوم عادي.!
    أبو الشباب: بس كيف عبرتو البحر؟
    منيرة: أي بحر ما مرينا على أي بحر رحلتنا كانت دايركت الرياض باريس.
    أبو الشباب: (مستغرب) يعني ما جيتو على بعاريين؟؟!!
    منيرة: (كن احد مدغدغها) أي بعاريين أنت تمزح جايين بطيارة لا
    بالجديدة بعد أم شاشات (يا شين السرج على البقر)
    أبو الشباب: عندكم طيارات؟؟
    منيرة: إيه عندنا ليه وش فاكرنا؟؟
    ابوالشباب: أنا اللي اعرف عن السعودية إنها صحراء قاحلة والناس
    يتنقلون فيها بجمال والحريم يركبون وهو متغطين على الجمال والرجال
    ورآهم شايلين براميل البترول...!!! الخ
    منيرة: وين يا عمي وش ذا إحنا عندنا كل وسائل التكنولوجيا في
    ديرتنا... سيارات وطيارات وكمبيوترات وموبايلات (عاد أهم شي) وانترنت
    والشوارع متطورة وترى عندنا فيصليه ومملكة
    (هذي مب أحسن تنطق تقابل فيصليتها ولا تفشلنا برى؟!)
    - أبو الشباب: اجل آسف أنا فاهم شي الواقع طلع شي أخر، بس أنتي ليه ماتسبحين؟
    منيرة: مقدر أسبح لأني محجبة
    أبو الشباب: اشوا أنتي مو منهم؟
    منيرة: من مين؟؟
    أبو الشباب: اللي متشوهين
    منيرة: أي متشوهين؟؟؟؟!!!!
    أبو الشباب: الحريم اللي يغطون وجيههم عندكم متشوهين صح؟
    منيرة: لا طبعا أي متشوهين الموضوع مو تغطية بس ديننا هو اللي فرض
    علينا كذا درءاً للفتن (أبو الفلسفة) أنا هناك أغطي وجهي مثلا أنت
    شايفني مشوهة؟
    ابوالشباب: لا أبدا أنتي جميلة ولونك حلو، بس مو حرام جميلات زيكم يضطهدون؟
    منيرة: ليه ... يضطهدون...المهم اللي هي من قال إنإحنا كذا؟؟؟
    أبو الشباب: مثلا ممنوعين من السواقة
    منيرة : مين قال لك إن إحنا أصلا نبي نسوق
    كل حرمة وبنت لها سواقها
    الخاص نسوق ليه
    أبو الشباب: طيب ما يقبلونكم بأي وظيفة بس مدرسة صح؟
    منيرة: الدولة الله يعزه ما توظف بناتها إلا في وظايف تناسب قدراتها
    بس موبس تدريس البنت السعودية طبيبة وصيدلانية وسيدة أعمال وموظفة
    حكومية بس الأغلب في قطاع التربية لأنه هو الأقرب لطبيعة البنات.
    ابوالشباب: بس مانعينكم عن المناصب الكبيرة مخلينها للرجاجيل بس هذالا تقولين لا
    منيرة: ( أخذتها العزة بالإثم وقامت تألف) من قال كذا أصلا أنت ماخذ
    فكرة مرة سيئة عن المرأة تتقلد مناصب كبيرة حتى أنا بالإمارة خالتي وزيرة.
    أبو الشباب: متأكدة؟ أنا اعرف إن السعودية ما فيها حريم في حكومتها
    منيرة: كل معلوماتك غلط قلت لك خالتي وزيرة
    أبو الشباب: شكرا على تصحيحك لمعلوماتي وبالمناسبة أنا عازمك الليلة
    على خروجه ( قلط أبالشباب(
    منيرة: وين عازمني؟( متشققة(
    أبو الشباب: فيه بار جنب بيتنا أمرك ونروح له
    منيرة: ويييييين إحنا ما عندنا هالشغلات إحنا مب حقين بارات ديننا
    محرم علينا الشرب والرقص والاختلاط والتبرج أولا وبعدين حرام اطلع أنا
    وأنت لوحدنا هذي تسمى خلوة
    أبو الشباب: يعني ايش خلوة؟؟
    منيرة: يعني بنت وولد ما يعرفون بعض ولا محرم لها يجلسون في مكان لوحدهم
    ابوالشباب: طيب وأنتي الحين قاعدة معي هذي مهي خلوة؟
    منيرة: لا هذا مكان عام ما فيه حواجز ومليان ناس
    ابوالشباب: عالعموم أنا اكرر عزيمتي
    منيرة: وأنا اكرر رفضي
    أبو الشباب: ترى إذا قمت ما فيه تغيرين رأيك
    منيرة: لا ابد
    قام أبو الشباب ومشى خطوتين وبعدين رجع لمنيرة وهي على جلستها وانحنى
    عليها ونزل نظارته على طرف خشمه وطالعها بعيونه وقالها بالسعودي:

    لكل بنت سواق عديتها لك بمزاجي..
    لكن خالتك وزيره هذي قوييية.
    هههههههه طلع الولد سعودي


    _________________
    أثبت نفسك في المنتدى

    أثبت نفسك بمساهمتك

      الوقت/التاريخ الآن هو الخميس يناير 24, 2019 5:40 am